Sermoen Vissjchersmesse

Warm aan te bevelen literatuur voor lezers die ons mooi dialect kunnen lezen.

Een paar artikels geleden werd bericht over de “2 speciale vieringen” in De Panne Lees>>>

Eén ervan was de Vissjchersmesse  ter gelegenheid van de opening van de kermis van het Koninklijk Feestcomiteit PANNE – CENTRUM (KFPC). In dit artikel werd aangedrongen om het sermoen opgesteld en voorgedragen door Will Vansteene te mogen publiceren:  “E woordiege uitleg over het Eevangeelie” .
Zeer hartverwarmende tekst, maar er moet bijgezegd worden dat Will daar ter plekke een extra beetje “Pannese saus” bij gedaan heeft. We kennen hem!!!

“MIRAKELS”

Goe’n avond ollemale. Hoe is’t mi jeuder? ’t Is were kerremesse. Goat ‘n tyd zere!

De feestcommêsche van Panne Centrum e were e hele weke leutige dieng’n up eudre programma stoan. Je moe moar eki d’ affiche bekiek’n. ’t is voor iedreen etwodde.

En ’t Dialectengenootschap van Bachten de Kupe e were gezorgd voe die visschersmesse. Ze zochten e Pannenoare die etwot wiste over de visscherie.
Zelve en ‘k ik wel nooit up zee gewist, moar me pette an voaders kant was e visscher.

‘t Was wel geen Pannenoare, moar een van Breninge bie Ostende. Moar lik vele visschers koste ’n vertellen en klappen lik e schuttelwasscher. Mê me koziens zaoten we doa roend de buzestove te luster’n met nuuze moend wagewied open. Pette’s ogen bloenken in z’n kop ot ’n zag damme me wieder, lik joenge snotters, dat ollemale geloofden. We zaten doa dikkers voe è scheete van niet’n van gepienteit te ruttel’n in nuuze kulten.
‘k Weten nog dat m’n moeder achternoa zei: “Je moet dat doa nie ollemale geloven wiene dat Pette zegt hé zeg, dat is ollemale visscherslatien”.

Moar o’ k groter waoren heb ik dikkers gepeisd an Pettes vertellementen en dikkers tot de constatatie ekom’n dat er otmets toch etwot van waar was en dat er nu en toene etwot was dat de visschers écht geloofden.
Lik e soorte mirakeltjes zoe j’ kunnen zeggen.

Neem nu die straffe klaps van visschers die stoef’n da ’n ze zieder de grotsten vis èvang’n èn of dat er ongelooflijk vele vis in neuder netten zat. ‘k Peizen toen dikkers aan de “wonderbaarlijke visvangste” uut ’t Evangelie lik da Roger doa juste verteld et.
Hadde Pette da moeten vertell’n, we gieng’n ‘t geloofd en.
De menschen ten tiede van Christus goan ook otmets epeisd en dat ’t ollemale toogklaps waren dat ’n vertelde. En toch is ’t écht gebeurd. ’t Staat in ’t Evangelie.

Moa ’t zit doar etwot meer achter.
De geweune mèèns moet doa van tied toet tied è bitje explicatie bie en.
Da’s ’t zefste lik die rare gebruuken van nuuze Vlamsche visschers.
Da woaren roare charels en z’ ‘add’n zieder è hééle resem van die roare gewunten die ollemale te maken adden mê chanse en oenchanse.
Je moe doa op è zin nie van verwoendert zien, want die mèènsch’n moest’n dikkers deur olle weer en wiend ’t zeegat in.
Zie moa gerust da’n ze dikkers met de poepers goan ezeten en.
Ieder keer da z’ in zee gieng peisden z’ in neuder achterhoofd op e mirakel lik in ’t evangelie. ’t Was daarom da z’ otmets een weesgegroetje méér lazen dan gewunte. Of ze deden dieng’n mej dat ze èkreeg’n hadden van meneere paster of van de kapeloan: e zantje of e schap’lier van een of andern eiligen of è splinter uut Baaltjes Kruus. En voe zeekers zoender veele ongelukk’n were thuus te geraak’n staak’n ze è naagel van de Poaschekèèse onder de grote mast of e poametaksjche.
Mo ‘t gene da ze zekers niet mocht’n vergeet’n voor’n da z’ in zee gieng’n was van è kruusje te vraag’n an moeder. Moa zie moar gerust, ’t mensche gienk da zekerlik niet vergeet’n. En binst da z’ e kruusje gaf up neuder voorhoofd zei ze: “God zeen t’ j’ en bewoar je”.
’t Is meestol biegeloof. ‘k Weet’n ’t.
Moa ’t is toch ètwodde da me ol gin kant’n meug’n loaten teniete goan!
‘k Peizen nie dat da rap go gebeur’n. Want ej d’r ol eki up gelet dat er ’n dag van vandage nog vele menschen geloven in van die chancebriengers?
Hoe dikkers zie je gin oefiezer boven e deure hang’n.
Je moet hem toene wel juste hangen hé, anders kunn ’t geluk niet vasthouden.
M’n Pette had ossan è stikje ‘oet of é wilde kastaje in ze beuze.
È keunepooët brocht ook veel chanse zei ’t.
Moar os ‘k peisde toen oltied up da keun. Voe da beestje was dat gin chanse…

Je meug zeekers zien dat è heel’n oop van die gewunten geluk brochten en de malchanse teeg’n iel’n. ’t Waren allemaal kleine mirakeltjes. Want de menschen wist’n van nie anders en ze geloofden dadde.

En daorbie, dat et oltied bestaan, mirakels. ’t Evangelie staat er vol van.
Lik dat mirakel op die bruuloft waar dat ‘t water ommet eki verandert in wijn.
‘t Is juste kwestie van écht te geloven. Woenderbaarlijke gebeurtenissen.
Ze gebeuren olle dagen. En nie ollene in Lourdes.

Ook hier in De Panne.

Fikken Ryssen koste daarvan meeklappen. Echte Pannenaars goan hem wel ekend en. ‘k Zien hem doa nog stoan, met z’n visschersklakke en z’n roo’n kazuuvel. Hij had ossan e puuppe in z’n handen dat in z’n mond stak tussen z’n grote witten baard.
Kort achter ‘n oorloge had hij etwien wies emakt dat er oeten planken aangespoeld waren op strange. ’t Liep roend lik e viertje en nog geen half eure later zag Fikken ’n een ‘n en andern passeren met neuder stikkarre. ’t Was doar een die riep:
“Fikken oj moet oet en ’t is moment wê. Strange ligt vul”.
Up ’t ende van ’t spil haalde Fikken ook z’n karre uit ’t stol om…
van die planken te gaan halen op strange.
Je zoe kunn’n zeggen: “ ‘t Mirakel van Fikken”.
We kunnen daar wel mee lachen. Maar Fikken koste dadde: mensen overtugen. Jezus koste dat ook. Zyn verhalen ku j’ bie momenten ook moeilik geloven.
Moar oj eki goed lustert en peist, zie gewoare dat er een diepere betekenisse in zit.

Neem nu bievoorbeeld da water dat Jezus veranderde in wijn.
Allê gow zeg. Je moet eki peizen.
Je gift doar e receptie voor e trouw en ommet eki zit je zoender wijn.
‘k Peizen da j’ nog etwot zoe meugen oren.
En toch, voe ieder probleem is ’t er uplossinge. Oj écht gelooft is er ossan en uutweg.
Luster moar eki wiene dat Johannes doarover in ze boeksje e eschrev’n:

Jezus was met z’n moeder en z’n apostels uutenodigd up e bruloft in Kana, in Galilea. Ommeki was ’t er paniek in de keuken: de wijn was up.
Jezus’ z’n moeder zei:
– ‘Zeg zeune, ’t schient da ze geen wijn nie meer en.’
– ‘Moa ja moeder, wiene wil je da’k doe?’ zei Jezus.
Mo z’n moeder wiste moar ol te goed wiene dat ’n koste.
Ze zag doar in en hoek zes lege vaten staan en zei tegen de garcons:
– ‘M’n zeune goat dat hier uplossen. Haalt doar e kê die vaten en vult ze mi water.’ Jezus de brave mens keek eki noa z’n moeder, miek e kruusje en zei tegen de garcons
– ‘Schept e kê e bitje uut en briengt het noar julder chef dat eerst e ki proeft.
Die mens proefde e ki heel verzichtig en zei toene:
– ‘Mo vint toch, van waar komt die wijn?
We moesten die wijn eerst geschoenken en! Hij is veel beter dan ‘n uuzen!

Dat was één van d’ eerste woenderen da Jezus gedoan et in z’n leven.
Hij toonde ezo z’n grootheid en z’n goedheid en de menschen geloofden in hem.
Woender’n en oltied bestoan. Doarom nie ossan grote. Ook klintjes. Olle dagen.
Oj etwot wilt, moe j’ d’r echt in geloven en je goa zien: ’t goa lukken.
Je moe goed weten: Zonder geloof ej nieten. Moa mê geloof ku je écht genieten.
Mosten we doarom allomale e bitje meer geloven. Geloven in e betere wereld bievoorbeeld. En nie ollene geloven moa doarbie ook ’t voorbeeld geven.

Eki stille staon bie ol de schone diengen damme en in de plekke van ossan te klagen over diengen da je gebeur et, mo gie nie.
En zoe dat toene nie schone zyn, beste menschen, mosten we zulke oede waarden in eëre en geweet’n deure geev’n an nuuze joengs en de kleine pagadders.

En dat doen in den naam des voader, des zeuns en ’n eiligen geest…

Amen

Will Vansteene

Visschersmesse De Panne 2012

Ook veel andere mensen hebben meegewerkt om er iets unieks van te maken. Alles was in het dialect (ook de communie)
Tot volgend jaar!

ZOPAS TOEGEKOMEN VIA FACEBOOK

PANNESPROKKELS:

– volgende week dinsdag 3 juli wordt  de nieuwe Grensweg geasfalteerd en zal je dus kunnen fietsen door de nieuwe tunnel onder de autostrade
– Volgende week tentoonstelling “D’ACHTE: DE BUURT CULTUUR-T” . Deze tentoonstelling over kunstwerken van de wijk “D’Achte” gaat door van 30 juni t/m 22 juli in het Cultuurhuis De Scharbiellie. (dagelijks van 14 tot 18 uur). Meer info>>>
– De avondmarkt van verleden zaterdag was geen succes. Geen terrasweer, povere straatanimaties, veel open ruimte tussen niet altijd wel geselecteerde marktkramers….enfin geen sfeer zoals destijds op de fameuze eind juni Zeelaan avondmarkt. De opstelling met het gat naar de straat zodat beide zijden van het voetpad gebruikt werden is een veel beter systeem maar op voorwaarde dat de handelaars van de Zeelaan hun winkels
open houden. Helaas waren quasi al die winkels gesloten.

– Beaufort05 zal terug gesubsidieerd worden

– Alle fietsers zijn vol lof over de Nieuwe Zeelaan-dorp.  Geen fietsers meer op het voetpad. Na de zomer wordt de verlichting vernieuwd (zelfde als Zeelaan-bad). Hiervoor moet een strook in de voetpaden opengemaakt worden voor een nieuwe E-kabel. Wellicht dan de gelegenheid om enkele zones met losliggende en gebroken tegels mee te herleggen. Een klein werk die de trottoir  terug in zijn vroegere glorie zal herstellen. Pas 14 jaar geleden werd deze aangelegd door de huidige coalitie. Zijzelf kunnen dus moeilijk om de 14 jaar nieuwe stoepen aanleggen. Of verkiest men keramiektegeltjes zoals in de Zeelaan-bad? Mooi maar ook technische probleempjes (loskomende tegels + uitzettngsvoegen). Hopelijk stabiliseert dit zich. Nog 1 jaar garantie.

– Het laagste gedeelte van de Dumontwijk was vroeger een natte panne. Vandaar dat de houten ondersteuningen van het oudste rioolstelsel van De Panne rot is. Ieder jaar zijn er inzakkingen en worden stukken opgelapt. Enkele deelstraten heeft men reeds volledig vernieuwd. Wellicht iets voor de programma’s van de volgende gemeenteraadsverkiezingen. Een zware investering. Pas na deze werken kan het wegdek herlegd worden volgens het concept van het “Herwaarderingsplan Dumontwijk” (steentjes i.p.v. asfalt + afgezonderde parkeerhavens). De 40 % erfgoedsubsidie voor deze bovenwerken hebben we gemist.